Արկղերով կանեփ, պլաստմասսայե շշեր՝ կանեփանման զանգվածով. Շիրակի մարզի պարեկների բացահայտումը
ՏեսանյութերԲազմիցս անդրադարձել ենք ոստիկանության պարեկային ծառայության Շիրակի մարզը սպասարկող գումարտակի ոստիկանների միջոցառումներին, որոնք ուղղված են և՛ ճանապարհային երթևեկության կանոնների պահպանմանը, և՛ հանցավորության դեմ պայքարին։ Շիրակի պարեկները հերթական բացահայտումն արձանագրել են հունիսի լույս 25-ի գիշերը։ Նրանք Գյումրիից Վանաձոր տանող ճանապարհի 5-րդ կիլոմետրին ստուգման նպատակով կանգնեցրել են «Ֆորդ» մակնիշի բեռնատար, որի սրահում նկատել են կանեփանման բույս։
Պարեկները վարորդին և ուղևորին բերման են ենթարկել ոստիկանության Ախուրյանի բաժին։
Մեքենայի զննությամբ հայտնաբերվել են հեղուկով լցված պլաստմասսայե տարաներ, արկղերով կանեփի թփեր՝ ընդհանուր 14 կիլոգրամ, պլաստմասսայե տարաներ՝ լցված կանեփանման չորացված զանգվածով՝ ընդհանուր 950 գրամ և այլն։
«Ֆորդը» տեղափոխվել է պահպանվող հատուկ տարածք։
Նշանակվել է դատաքիմական փորձաքննություն։ Հանգամանքները պարզվում են։
Ծանուցում. ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:
ՈՒՂԻՂ ԵԹԵՐ
Ամենադիտված 
Խստորեն դատապարտում եմ Ռուբեն Ռուբինյանի կողմից Ստամբուլում թուրք տեսած լինելը. Դանիել Իոաննիսյան
