Ժիզել Բունդխենը դարձել է բնապահպանական խորհրդատու
Լուսանկարներ
Սուպերմոդել և ակտիվիստ Ժիզել Բունդխենը ստանձնել է IWC Schaffhausen շքեղ ժամացույցների ապրանքանիշի բնապահպանական և համայնքային նախագծերի խորհրդատուի պաշտոնը: Նա իր նոր պարտականությունները կսկսի այսօր՝ հուլիսի 26-ին: Այդ մասին գրում է WWD-ն։
«Մենք ունենք մարդ, ով կիսում է մեր նպատակներն ու առաքելությունը՝ պաշտպանելու մոլորակը և պահպանելու մեր աշխարհը ապագա սերունդների համար: Նա կօգտագործի իր փորձը՝ օգնելու մեզ բացահայտել ճիշտ նախաձեռնությունները, որոնց վրա պետք է աշխատել: Մենք կուտակում ենք մեր ջանքերը շրջակա միջավայրի և հասարակության մեջ իրական փոփոխություն մտցնելու համար»,- ասել է IWC գլխավոր մարքեթինգի տնօրեն և Կայունության կոմիտեի նախագահ Ֆրանցիսկա Գսելը:
Բունդխենը պայմանագիր է կնքել The Lions Management մոդելային գործակալության հետ անցյալ տարի և այժմ ներկայացնում է գործակալության նորաձևության նախաձեռնությունները: Մոդելը նաև ծառայում է՝ որպես բնապահպանական և սոցիալական խորհրդատու DraftKings-ում:
Բացի այդ՝ Ժիզել Բունդհենը քարոզարշավ է իրականացրել հանուն գյուղատնտեսության կայունության և բնության պահպանության իրավունքի՝ 2020 թվականին թողարկելով փաստագրական «Համբուրիր Երկիրը» ֆիլմը: Բացի այդ՝ անցյալ տարի նա գլխավորել է ծառատունկի նախագիծը՝ ի պատիվ իր 40-ամյակի:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
