Զելենսկու կինը հայտնել է, որ ռազմական գործողություններն ազդել են իրանց ամուսնության վրա

Ուկրաինայի նախագահ Վլադիմիր Զելենսկու կինը՝ Ելենա Զելենսկայան հայտարարել է, որ ռազմական հատուկ գործողություններն ազդել են իրանց ամուսնության վրա։ Այս մասին հայտնում է Daily Mail-ը։

«Ես համաձայն եմ այն տեսության հետ, որ ամուսնությունն ավելի է ամրանում, երբ անցնում են դժվարությունների միջով։ Կարծում եմ, որ մեր դեպքում ճիշտ այդպես է»,-նշել է նա։

Զելենսկայան նաև հավելել է, որ ինքն ու ամուսինը սկսել են ավելի շատ հետաքրքրվել միմիյանցով։

Բացի այդ, Ուկրաինայի նախագահի կինը հույս է հայտնել, որ ռազմական գործողություններն էլ ավելի կամրացնեն իրենց հարաբերությունները։