Գաղտնի միլիոնատերն իր մահից հետո մեծ գումարներ է նվիրաբերել մարդկանց

Բրիտանացի հարուստ հողատերը ապրել է համեստ կյանքով, երբեք չի ամուսնացել և 103 միլիոն ֆունտ է թողել բարեգործության համար: Այս մասին հայտնում է Daily Mail-ը։

Սայմոն Գիբսոնն իր կարողությունը ժառանգել է հորեղբայր Ուիլյամ Թեյթեմից, ով 12 տարեկանում ծով է գնացել որպես նավի փոքրավոր և այնուհետև ստեղծել ընկերություն, որը դարձել է Ուելսում արդյունահանվող ածխի ամենամեծ արտահանողը:

Չնայած իր հարստությանը, Գիբսոնը վարում էր համեստ կենսակերպ։ Նա երբեք չի ամուսնացել և երեխաներ չի ունեցել՝ նախընտրելով վարել հին դեղին Volkswagen Beetle-ը և հանգստանալ Շոտլանդիայում, այլ ոչ թե արևադարձային կղզիներում: Նրա ընկերները պնդում են, որ նա միլիոնավոր ֆունտ է նվիրաբերել բարեգործական կազմակերպություններին, դպրոցներին, եկեղեցիներին, տեղական սպորտային թիմերին և հիվանդանոցներին: Բարեգործական գործունեության համար գաղտնի միլիոնատերը պարգեւատրվել է Բրիտանական կայսրության շքանշանով։

Գիբսոնը մահացել է 94 տարեկանում։ Իր կտակում նա նշել է, որ մտադիր է իր կարողության մեծ մասը՝ 103,8 միլիոն ֆունտ, թողնել Simon Gibson Charitable Trust-ին, որը նա հիմնել է 1975 թվականին՝ բարեգործական կազմակերպություններին օգնելու համար: Հարազատները նվերներ են ստացել, իսկ Սաֆոլկի Էքսնինգ գյուղում գտնվող իր կալվածքի աշխատողներից յուրաքանչյուրը ստացել է 30 հազար ֆունտ: Այդքան գումար նա թողել է նաև իր կալվածքի և տան թոշակառու աշխատողներին։

Բուժքույր Շելա Ֆոսթերը, ով խնամում էր Գիբսոնին ծերության ժամանակ, ստացել է 75 հազար ֆունտ և Օլդբորո քաղաքում գտնվող իր քոթեջը՝ ամբողջությամբ, ինչպես նաև Գիբսոնին պատկանող մեքենաներից մեկը վերցնելու իրավունք: Գիբսոնի քույրը՝ Մերին, և մեկ այլ մերձավոր ազգական ժառանգել են 250 հազար ֆունտ ստերլինգ:

Եվս 2 մլն ֆունտ և հողատարածքներ են նվեր ստացել տղամարդու 20 ընկերները, օգնականները և հարազատները։ Գիբսոնի փաստաբան Բարրի Թեյլորն ասել է, որ միլիոնատերը մեծահոգի մարդ էր:

Այս թեմայով Գիտնականները պարզել են, թե ինչպես է առողջ ապրելակերպն ազդում ինտիմ կյանքի վրա Մեգան Թի Ստալյոնն ամբողջովին մերկ է հայտնվել ամսագրի շապիկին (լուսանկարներ) Ամերիկացի զբոսաշրջիկն էքստրեմալ սեքսուալ խաղերով է զբաղվել Իսպանիայում ու մահացել 60-ամյա Սերգեյ Զվերևը մերկ լուսանկար է հրապարակել և զարմացրել երկրպագուներին Քարդի Բին լուսանկարվել է ամբողջովին մերկ՝ ջրահարսի կերպարով (լուսանկար)