Չեչնիան բաց է «թուրք եղբայրների» համար. Կադիրով

Չեչեններն ու թուրքերը շատ ընդհանուրություններ ունեն մշակույթում եւ պատմության մեջ,  որոնք մեզ կօգնեն առաջ շարժվել եւ սոցիալական եւ տնտեսական նոր հարաբերություններ կառուցել այդ ամուր հիմքի վրա: Այս մասին Չեչնիայի ղեկավար Ռամզան Կադիրովը գրել է Telegram-ի իր ալիքում։

«Անկասկած, չեչեններն ու թուրքերը շատ ընդհանուրություններ ունեն մշակույթում եւ պատմության մեջ,  որոնք մեզ կօգնեն առաջ շարժվել եւ սոցիալական եւ տնտեսական նոր հարաբերություններ կառուցել այդ ամուր հիմքի վրա: Այո, եղբայրների միջեւ կարող են թյուրիմացություններ լինել։ Բայց դրանք բոլորը լուծվում են ազնիվ եւ բաց երկխոսության ընթացքում։ Ամենակարեւորը՝ հնարավորություն չտալ օգտվելու այդ չարամիտ անձանց, ովքեր ցանկանում են խաթարել մեր խաղաղ գոյությունը»,- ասել է նա։

Նրա խոսքով՝ Չեչնիան բաց է «թուրք եղբայրների համար», եւ եթե թուրքական պատվիրակությունն այցելի տարածաշրջան, նրանք իրենց կզգան ինչպես տանը՝ օսմանական ոճով տասնյակ մզկիթների եւ չեչենական հյուրընկալության շնորհիվ։