Եղիսաբեթ II թագուհին կորցրել է քունը արքայազն Ուիլյամի վտանգավոր սովորության պատճառով

Մեծ Բրիտանիայի թագուհի Եղիսաբեթ II-ը մտավախություն ունի, որ արքայազն Ուիլյամի սովորությունը երկրում սահմանադրական ճգնաժամի կհանգեցնի։ Այս մասին հայտնում է Geo News-ը։

Զինվորական ծառայության ընթացքում Ուիլյամը օդաչու էր և մինչ օրս նախընտրում է անձամբ թռչել ուղղաթիռներով, որոնցով թռչում են իր կինը՝ Քեյթ Միդլթոնն ու երեխաները։ Թագուհին դա չափազանց ռիսկային է համարում հատկապես վատ եղանակին։ Եթե ​​ուղղաթիռը կործանվի, թագի մի քանի ժառանգորդներ կարող են միանգամից մահանալ՝ և՛ ինքը՝ Ուիլյամը, ով պետք է թագավոր դառնա իր հոր՝ արքայազն Չարլզից հետո, և՛ նրա որդին՝ Ջորջը, ով երրորդն է իրավահաջորդության կարգով:

Թագուհու անհանգստության մասին հաղորդումների մեկ այլ ալիք եկավ այն բանից հետո, երբ արքայազն Ուիլյամը ուղղաթիռ վարեց սպորտային իրադարձության ճանապարհին, որտեղ երկրորդ օդաչու էր իր յոթամյա դուստր Շառլոտը: Թագավորական ընտանիքին մոտ կանգնած աղբյուրը պնդում է, որ թագուհին կորցրել է քունը անհանգստության պատճառով։ Նրա խոսքով` ինքը գիտի, որ Ուիլյամը ընդունակ օդաչու է, բայց կարծում է, որ ռիսկն ամբողջ ընտանիքի համար չափազանց մեծ է։

Ոչ պաշտոնական կանոնն արգելում է թագավորական անդամներին միասին թռչել, սակայն Ուիլյամի երեխաների ծնվելուց հետո այն չի կիրառվել, որպեսզի նա, կինը և երեխաները ավելի շատ ժամանակ անցկացնեն միասին։