Ձկնորսը բռնել է 180 կիլոգրամանոց վահանաձուկ (լուսանկար)

Բրիտանական Նորվիչ քաղաքից (Անգլիայի արևելք) ձկնորսը Նորվեգիայում հսկայական վահանաձուկ է որսացել։ Այս մասին հայտնում է The Sun-ը։

45-ամյա բրիտանացի Փոլ Սթիվենսը բռնել է 180 կգ-անոց երկու մետրանոց վահանաձուկ : Սա այս տեսակի ամենամեծ ձուկն է, որը երբևէ բռնել է Մեծ Բրիտանիայի բնակիչը: Նրա տարիքը կարող է լինել մինչև 90 տարեկան։

Բրիտանացին ընդգծել է, որ կարթից բռնված ձուկը մոտ մեկուկես կիլոմետր քարշ է տվել նավակը։ «Դրանից հետո ուսերս ցավում էին ևս երեք օր»,- ասել է նա։

Բռնելուց հետո տղամարդը բաց է թողել վահանաձկանը, որպեսզի այն կարողանա հետագայում բազմանալ: «Շատ զգացմունքային պահ էր: Ես երկար տարիներ փորձում էի նման ձուկ որսալ»,- շեշտել է նա։

Ատլանտյան վահանաձուկն աշխարհի ամենամեծ ոսկրոտ ձկներից մեկն է: Որոշ տեսակների երկարությունը հասնում է 4,5 մետրի և կարող է կշռել մինչև 315 կիլոգրամ: