Հայտնի է Ճապոնիայի նոր կառավարության կազմը

Ճապոնիայի նախարարների կաբինետի գլխավոր քարտուղար Հիրոկազու Մացունոն հայտարարել է երկրի կառավարության նոր կազմը։ Ինչպես սպասվում էր, ֆինանսների նախարար Շունիչի Սուզուկին և արտգործնախարար Յոշիմասա Հայաշին պահպանել են իրենց պաշտոնները։ Բացի այդ, նրանք չեն փոխել տնտեսական վերականգնման հարցերով նախարար Դեյսիրո Յամագիվային, հայտնում է Kyodo-ն։
Ճապոնիայի պաշտպանության նախարար է նշանակվել Յասուկազու Համադան, ով արդեն զբաղեցրել է այդ պաշտոնը 2008-2009 թվականներին։ Յասուտոշի Նիշիմուրան դարձել է էկոնոմիկայի, առևտրի և արդյունաբերության նախարար։ Նա նաև ստացել է Ռուսաստանի հետ տնտեսական հարաբերությունների համար պատասխանատու նախարարի պաշտոնը։

Ճապոնական ընդդիմությունը պահանջում էր վերացնել այդ պաշտոնը՝ Ուկրաինայում ռուսական ռազմական գործողության ֆոնին, սակայն նրանք որոշել են պահպանել այն։

Ինչպես հաղորդել ենք, այսօր՝ օգոստոսի 10-ի վաղ առավոտյան, Ճապոնիայի կառավարությունը ողջ կազմով հրաժարական տվեց։

Սպասվում էր, որ վարչապետ Ֆումիո Կիսիդան կվերակազմավորի կաբինետը սեպտեմբերի սկզբին՝ խորհրդարանի աշնանային նստաշրջանի բացումից առաջ, սակայն նա որոշեց արագացնել պաշտոնների վերաբաշխումը։

Պատճառները տնտեսական աճող խնդիրներն էին և Ճապոնիայի էներգետիկ անվտանգության ամրապնդման անհրաժեշտությունը Ռուսաստանի հետ հարաբերությունների վատթարացման ֆոնին։