Հունաստանը փորձել է որսալ թուրքական ինքնաթիռը. ՌԻԱ Նովոստի

Հունաստանի ռազմաօդային ուժերը փորձել են որսալ թուրքական պարեկային ինքնաթիռը, երբ այն գտնվում էր Միջերկրական ծովում՝ ՆԱՏՕ-ի «Ծովային գվարդիայի» առաքելության մեջ։ Այս մասին հայտնում է РИА Новости-ն՝ հղում անելով թուրքական Anadolu գործակալությանը։

Միևնույն ժամանակ, ինքնաթիռը զինված չի եղել, ընդգծել է Թուրքիայի ազգային պաշտպանության նախարարությունը։

«Հունական կողմի գործողություններին տրվել է համարժեք պատասխան»,- ասվում է նախարարության հաղորդագրության մեջ։

Ինչպես հաղորդում է Anadolu-ն, Հունաստանը «կտրուկ ավելացրել է ագրեսիվ պահվածքը Էգեյան և Արևելյան Միջերկրական ծովում»: Թուրքիայի օդային տարածքի և տարածքային ջրերի խախտումների թիվը նախորդ տարվա 1123-ից այս տարվա ութ ամսում աճել է մինչև 1616։

Օգոստոսի 15-ից ի վեր գրանցվել է 14 միջադեպ, երբ հույն օդաչուները հետապնդել են պարեկային թուրքական ինքնաթիռներին։

Ավելի վաղ Թուրքիայի պաշտպանության նախարար Հուլուսի Աքարը սպառնացել էր Հունաստանին «կանխարգելիչ գործողություններ» ձեռնարկել, եթե Աթենքը չկատարի արևելյան Էգեյան ծովի կղզիների ապառազմականացման պահանջները։

Աքարը մեղադրել է Հունաստանին Անկարայի դեմ «ագրեսիվ հռետորաբանության» մեջ՝ ասելով, որ նրա պաշտպանական բյուջեի հնգապատկումը վկայում է այն մասին, որ երկիրը «ինչ-որ բան է պատրաստում» Թուրքիայի դեմ։

Բացի այդ, Թուրքիայի պաշտպանության նախարարի խոսքով, Հունաստանն անում է «ամեն ինչ», որպեսզի կանխի Թուրքիային զենքի և ռազմական տեխնիկայի, այդ թվում՝ ամերիկյան F-16 կործանիչների և գերմանական սուզանավերի վաճառքը։