Սննդաբանները նշել են կազմվածքի համար ամենավնասակար 5 մթերքները

Սննդաբանները նշել են ածխաջրերով հարուստ հինգ մթերք, որոնք հատկապես վնասակար են կազմվածքի համար։ Այս մասին հայտնում է Eat This, Not That-ը։

Խոսքն առաջին հերթին թխվածքաբլիթների մասին է, որոնք շատերն են սիրում ուտել նախաճաշին։ Բժիշկ Լիզա Յանգի խոսքով՝ մեկ սպիտակ թխվածքաբլիթը համարժեք է 4-5 կտոր սպիտակ հացի և ամենավատ ածխաջրերից մեկն է կազմվածքը պահպանելու համար։ Դիետոլոգ Տրիստա Բրիստն ավելացրել է. «Բացի այդ, թխուկները հաճախ պարունակում են տարբեր լցոնումներ, ինչպիսիք են սերուցքային պանիրը, գետնանուշի կարագը և բարձր կալորիականությամբ այլ մթերքներ»:

«Վնասակարության» առումով երկրորդ տեղում, ըստ սննդաբանների, նախաճաշի վարսակն է՝ դրանք շատ շաքարավազ ունեն և ընդհանրապես օգտակար սննդանյութեր չեն պարունակում։ «Մարդիկ հաճախ ձավարեղենը կապում են առողջ սննդի հետ, սակայն դրանք հաճախ պարունակում է նույնքան կամ ավելի շատ շաքար, քան թխվածքաբլիթները», - ասում է Յանը: Դոկտոր Մորգին Քլերը հավելում է. «Առավոտը դրանք սպառելու ամենավատ ժամանակն է, քանի որ դա հանգեցնում է արյան մեջ շաքարի արագ աճին»:

Բժիշկները գազավորված ըմպելիքները համարում են նիհարելուն խանգարող միջոցներից մեկը։ Գազավորված ըմպելիքները շաքարի մեծ չափաբաժնից բացի՝ այլ սննդանյութեր չեն պարունակում:

Ցուցակում չորրորդը սպիտակ հացն է, որը մեծապես մշակվում է արտադրության ընթացքում և մաքրվում է սննդանյութերից: Իսկ ածխաջրերի մեծ քանակության պատճառով սպիտակ հաց ուտելը հանգեցնում է արագ քաշի ավելացման։

Ցուցակը եզրափակում է մաքրած ալյուրից պատրաստված մակարոնեղենը: «Այս մակարոնեղենը մանրաթել չունի, ուստի մենք մեզ լիարժեք կուշտ չենք զգում և, ամենայն հավանականությամբ, ուտում ենք ավելին, քան անհրաժեշտ է», - բացատրել է բժիշկ Յանգը: Որպես այլընտրանք՝ սննդաբանները խորհուրդ են տալիս ընտրել ամբողջական ձավարեղենից կամ այլընտրանքային բաղադրիչներից պատրաստված մակարոնեղեն, ինչպիսիք են սիսեռը կամ ոսպը, որոնք ավելի շատ մանրաթել և ավելի քիչ նուրբ ածխաջրեր են պարունակում: