Աղջիկն իմացել է իր հղիության մասին ծննդաբերության ժամանակ

Մեքսիկայից 20-ամյա Վիվիան Ուայզ Ռուիզվելասկոն սկսել է ծննդաբերել գիշերային ակումբ այցելելիս և միայն դրանից հետո է իմացել իր հղիության մասին։ Այս մասին հայտնում է 7News-ը։

Աղջիկը պատմել է, որ ծննդաբերությունից առաջ երկու օր վատ է զգացել, սակայն եկել է գիշերային ակումբ՝ շնորհավորելու ընկերուհու ծննդյան օրը։ Երեկույթի ժամանակ Ուայզը սկսել է ուժեղ ցավեր զգալ կոնքի և որովայնի շրջանում: Նա որոշել է վերադառնալ տուն և քնել, սակայն առավոտյան տարօրինակ ախտանիշները չեն անհետացել, ցավն ուժեղացել է։

Ուայզի սիրելին նրան տարել է հիվանդանոց։ Գինեկոլոգը զննել է աղջկան և ասել, որ ծննդաբերում է։ «Ես ցնցված էի բազմաթիվ պատճառներով։ Օրինակ՝ մտածեցի՝ երեխայի հետ ամեն ինչ կարգի՞ն է, ի՞նչ անեմ նրա հետ, որովհետև կյանքում երեխաներ չեմ ունեցել»,- հիշել է Ուայզը։

Բժիշկները աղջկան կեսարյան հատում են արել: Ծնվել է նրա որդին՝ Մաթիասը։ Ուայզն ու նրա ընկերը տղայի ծնվելուց հետո տարբեր զգացողություններ են ապրել։ «Ես ցավ կամ որևէ բան չէի զգում, բայց իմ ընկերը շոկի մեջ էր: Նա շտապելու կարիք ուներ, քանի որ մեզ պետք էին իրեր երեխայի համար: Նա շատ վախեցավ, բայց ես հասկացա նրան », - պատմել է աղջիկը:

Երիտասարդ մայրը կիսվել է իր պատմությամբ TikTok-ում, որն առաջացրել է օգտատերերի բուռն արձագանքը։ Բաժանորդներից ոմանք պնդում էին, որ աղջիկը ստում է, իսկ մյուսներն ասում էին, որ հասկանում են նրան: «Նույնը պատահեց ինձ հետ իմ առաջին ծննդաբերության ժամանակ։ Ես չգիտեի, որ հղի եմ, մինչև չծննդաբերեցի աղջկաս»,- մեկնաբանել է մի կին։

Ուայզը խոստովանել է, որ սկզբում իր համար դժվար էր ընտելանալ երեխային, բայց արագ հարմարվեց նոր կյանքին։ «Նա իմ որդին է, իմ ընկերը և իմ կյանքի սերը: Սա, անկեղծ ասած, ամենալավ և ամենաանսպասելի բանն է, որ կարող է պատահել ինձ հետ»,- ասել է աղջիկը։