Քերոբյանը պատրաստակամություն է հայտնել տարբեր ուղղություններով գործակցելու լիտվացի գործընկերների հետ

Բեռլին այցի շրջանակում Էկոնոմիկայի նախարար Վահան Քերոբյանը և նախարարի տեղակալ Արման Խոջոյանը հանդիպել են Լիտվայի գյուղատնտեսության նախարար Կեստուտիս Նավիկասի հետ:

Ընդգծելով հայ-լիտվական փոխգործակցության ներկա բարձր մակարդակը՝ Վահան Քերոբյանը վերահաստատել է ՀՀ էկոնոմիկայի նախարարության պատրաստակամությունը տարբեր ուղղություններով համագործակցել լիտվացի գործընկերների հետ:

Վահան Քերոբյանը նշել է, որ հայ մասնագետների համար կարևոր և օրինակելի կլինի լիտվական փորձը գյուղատնտեսական ռեգիստրի իրականացման գործընթացում: