Արցախում ջերմատնային տնտեսություններին պարարտանյութ կտրամադրվի

Արցախի հանրապետությունում ջեռուցվող ջերմատնային տնտեսություններում բանջարեղենի և ծաղկի արտադրությամբ զբաղվող տնտեսավարողները կարող են դիմել ԱՀ գյուղատնտեսության նախարարություն՝ բույսերի համար անհրաժեշտ օրգանական պարարտանյութ ստանալու համար: Այս մասին հայտնում է Արցախի Հանրապետության գյուղատնտեսության նախարարությունը։

«Տնտեսավարողները, բույսերի վեգետացիայի ընթացքում սնուցման նպատակով պահանջվող օրգանական պարարտանյութի՝ կալիումի հումատի ձեռքբերման համար կարող են դիմել ԱՀ գյուղատնտեսության նախարարության աշխատակազմի բուսաբուծության և բույսերի պաշտպանության վարչություն»,-ասված է գերատեսչության տարածած հաղորդագրության մեջ: