ՀՀ գյուղատնտեսությունում 2011 թվականին գրանցվել են էական, դրական տեղաշարժեր. Սերգո Կարապետյան

«ՀՀ գյուղատնտեսությունում 2011 թվականին գրանցվել են էական դրական տեղաշարժեր։ Ճյուղի համախառն արտադրանքը ընթացիկ տարվա հունվար-նոյեմբերին, ՀՀ ազգային վիճակագրական ծառայության տվյալներով, կազմել է 772.9 մլրդ դրամ: Ըստ օպերատիվ տվյալների գնահատման՝ գյուղատնտեսությունում նշված ժամանակահատվածում, նախորդ տարվա համեմատ, համախառն արտադրանքի աճը կազմում է շուրջ 14.0 տոկոս»,- լրագրողների հետ հանդիպման ժամանակ այսօր նշել է ՀՀ գյուղատնտեսության նախարար Սերգո Կարապետյանը:

Տարվա ամփոփիչ նկարագրի հետ նախարարը ներկայացրել է նաև ոլորտի զարգացման խնդիրներն ու առաջնահերթությունները: