Ֆրանսիան պետք է ներողություն խնդրի. Ալիև
Աշխարհ
Ֆրանսիան շարունակում է նեոգաղութատիրության քաղաքականությունը՝ թաքնվելով մարդու իրավունքների և միջազգային իրավունքի պաշտպանության մասին կեղծ հայտարարությունների հետևում, և դրա ամենավառ հաստատումը Եվրոպայից դուրս նրա կողմից վերահսկվող տարածքներն են. իրականում դրանք ֆրանսիական գաղութային կայսրության զզվելի մնացորդներն են,- հայտարարել է Ալիևը, գրում են միջազգային ԶԼՄ-ները։
«Ֆրանսիան պետք է հարգի Կոմորյան կղզիների ինքնիշխանությունը Մայոտ կղզու նկատմամբ, ինչպես նաև Նոր Կալեդոնիայի և ֆրանսիական անդրծովյան համայնքների և տարածքների այլ ժողովուրդների իրավունքները: Ֆրանսիան ցանկանում է նույն արատավոր գործելակերպը պարտադրել Հարավային Կովկասում՝ աջակցելով հայերին Ղարաբաղի տարածաշրջանում։ Ֆրանսիան նույնպես փորձում է ներկայանալ՝ որպես Ադրբեջանում հայկական փոքրամասնության պաշտպան, թեև ֆրանսիացի պաշտոնյաները գնալով ավելի շատ են ռասիստական և խտրական կոչեր անում մի շարք էթնիկ փոքրամասնությունների հասցեին, ինչպես նաև ատելության խոսք են տարածում։
Գրեթե 1,5 միլիոն մարդ սպանվել է Ալժիրում ֆրանսիական տիրապետության ներքո տեղի ունեցած ցեղասպանության ժամանակ, և Ֆրանսիան պետք է ներողություն խնդրի իր գաղութային անցյալի և արյունալի գաղութային հանցագործությունների և ցեղասպանության համար»,-ասել է Ալիևը:
Ամենադիտված 
Մնաս բարյավ. Րաֆֆի Հովհաննիսյան
