Պրիգոժինը Բելառուսում չէ. Լուկաշենկո
Աշխարհ
«Վագների» ղեկավար Եվգենի Պրիգոժինը Բելառուսի տարածքում չէ։ Այս մասին Բելառուսի նախագահ Ալեքսանդր Լուկաշենկոն հայտարարել է արտասահմանյան և բելառուսական լրատվամիջոցների լրագրողների հետ հանդիպմանը, հայտնում է BelTA-ն։
«Ինչո՞ւ եք ինձ հարցնում, թե այսօր որտեղ են գտնվում «Վագների» անդամներն ու դրա ղեկավարը։ Լավ հասկանում եք, որ այն ռուսական է, հետևաբար, հարցն ակնհայտորեն ինձ չի վերաբերում: Ինչքանով ես տեղեկացված եմ, «Վագների» անդամները շատ լուրջ մարտիկներ են: Նրանք գտնվում են իրենց մշտական ճամբարներում՝ այն ճամբարներում, որտեղ նրանք գտնվում էին ռազմաճակատից ապաքինվելու, բուժման, հանգստի և այլնի համար։ Նման պատերազմի համար սովորական ռոտացիա կա: Բախմուտից հետո նրանք հետ են քաշվել իրենց ճամբար, որտեղ գտնվում են այսօր»,- ասել է Ալեքսանդր Լուկաշենկոն։
Միաժամանակ, նա նշել է, որ Բելառուսի համար ռիսկեր չի տեսնում, եթե «Վագների» անդամները երկրում տեղակայվեն։
«Ինչ վերաբերում է Եվգենի Պրիգոժինին, նա Սանկտ Պետերբուրգում, միգուցե այսօր առավոտյան գնացել է Մոսկվա, գուցե մեկ այլ տեղ, բայց Բելառուսի տարածքում չէ»,- ընդգծել է Լուկաշենկոն։
Ամենադիտված 
Մնաս բարյավ. Րաֆֆի Հովհաննիսյան
