66-ամյա գերմանացի քահանան որոշել է ոտքով անցնել Եվրոպան

Մյունստերի թեմից 66-ամյա քահանա Հանս-Գերդ Պաուսը որոշել է քայլել 12 հազար կիլոմետր՝ անցնելով Եվրոպան։ Նա մտադիր է արշավը սկսել հուլիսի 25-ին՝ Նորվեգիայի հյուսիսում գտնվող Մագերո կղզու Հյուսիսային հրվանդանից, և հասնել Սիցիլիա, այնուհետև Ստամբուլից մեկնել Իսպանիայի Ատլանտյան օվկիանոսի ափին գտնվող Ֆինիսթեր հրվանդան, հայտարարել են թեմում, գրում է DW-ն:

Պաուսը վերջին տարիներին իր ունեցվածքի մի մասը բաժանել է ու իր համար թողել միայն ամենաանհրաժեշտը։ Նա մտադիր է ճամփորդության համար վերցնել միայն 80 լիտրանոց ուսապարկ, վրան ու քնապարկ։

Քահանան առաջիկա ուխտագնացությունը համարում է «իր սրտի գործը» և «ճանապարհին լինելու» աստվածաշնչյան շարժառիթը բացատրելու փորձ։ «Աստվածաշնչի բոլոր առանցքային կերպարները ինչ-որ տեղ են տանում»,-նշել է Պաուսը: Նա բացատրել է, որ ցանկանում է «մնալ մարդկանց հետ իր մտքերում», թեև շատ օրեր կանցկացնի մեկուսացման մեջ։