ՌԴ ԱԳՆ-ն խոստացել է ՆԱՏՕ-ի մերժման պատճառով անվտանգության նոր երաշխիքներ ստեղծել

Մոսկվան ինքը կստեղծի անվտանգության նոր երաշխիքներ, եթե ՆԱՏՕ-ն և ԵԱՀԿ անդամները հրաժարվեն քննարկել դրանք։ Այս մասին «Ալ Ջազիրա» հեռուստաալիքին տված հարցազրույցում ասել է ՌԴ ԱԳՆ պաշտոնական ներկայացուցիչ Մարիա Զախարովան, փոխանցում է ՏԱՍՍ-ը։

Նրա խոսքով՝ Ուկրաինայի տարածքում ռուսական հատուկ գործողության մեկնարկից վեց ամիս առաջ Մոսկվան առաջարկել է արևմտյան երկրներին, Վաշինգտոնին, Հյուսիսատլանտյան դաշինքին և ԵԱՀԿ անդամներին անվտանգության նոր երաշխիքներ մշակել։

«Մեզ դա մերժեցին։ Մենք գրավոր ձևակերպեցինք մեր առաջարկները, ուղարկեցինք արևմտյան մայրաքաղաքներ և, ցավոք, լուրջ քննարկումներից մերժում ստացանք։ Քանի որ  մերժեցին մեզ հետ անվտանգության երաշխիքները քննարկել, այժմ մենք ինքներս ենք ստեղծելու այդ անվտանգության երաշխիքները»,- ասել է նա։