Ադրբեջանի քաղաքացին առևանգվել է ոստիկանների կողմից Ալիևի ելույթը մեկնաբանելու համար

Ադրբեջանական Meydan TV գործակալությունը հայտնում է, որ հուլիսի 11-ի լույս 12-ի գիշերը ոստիկաններն առևանգել են քաղաքացի Լատիֆ Մամեդովին։ Հարազատները նշել են, որ Մամեդովը կոշտ մեկնաբանությամբ է հանդես եկել հուլիսի 11-ին Սոյուդլու գյուղում Ադրբեջանի նախագահ Իլհամ Ալիևի ելույթի վերաբերյալ, որում նա արտահայտել է իր վերաբերմունքը գյուղում տեղի ունեցած բողոքի ցույցերի վերաբերյալ, որից հետո նրան առևանգել են իր տնից։

Meydan TV-ն կապ է հաստատել Լատիֆ Մամեդովի մոր՝ Աֆա Մամեդովայի հետ։ Նա պատմել է, որ այժմ գտնվում է Նասիմի շրջանի ոստիկանության 20-րդ բաժնում և սնունդ է բերել որդուն։

Լատիֆ Մամեդովը երրորդ մարդն է, ով իր վերաբերմունքն է արտահայտել Սոյուդլու գյուղում տեղի ունեցած բողոքի ցույցերի վերաբերյալ և ձերբակալվել։ Մինչ այդ ձերբակալվել էին նախկին պատգամավորներ Նազիմ Բայդամիրլին, Գիյաս Իբրահիմովը և Էլմիր Աբբասովը։ Վերջինս երեկ ազատ է արձակվել։