Բռնցքամարտիկ Ուսիկը ցանկանում է դառնալ Ուկրաինայի նախագահ

Բռնցքամարտիկ Ալեքսանդր Ուսիկը հայտնել է, որ մտադիր է մարզական կարիերայի ավարտից հետո ընտրվել Ուկրաինայի նախագահի պաշտոնում, գրում են ուկրաինական ԶԼՄ-ները։ 

«Ես կվերադառնամ առաջին ծանր քաշային կարգ, նորից կդառնամ բացարձակ չեմպիոն, իսկ հետո կավարտեմ կարիերաս և կառաջադրվեմ Ուկրաինայի նախագահի պաշտոնում»,- ասել է բռնցքամարտիկը։

36-ամյա Ուսիկի հաշվին պրոֆեսիոնալ ռինգում ոչ մի պարտություն չկա։ Նա տարել է 20 հաղթանակ, որից 13-ը՝ նոկաուտով։ Ուկրաինացին ծանր քաշային կարգում աշխարհի չեմպիոն է Բռնցքամարտի համաշխարհային ասոցիացիայի, Բռնցքամարտի միջազգային ֆեդերացիայի, Բռնցքամարտի համաշխարհային կազմակերպության և Բռնցքամարտի միջազգային կազմակերպության վարկածով։ 2012 թվականին նա դարձել է օլիմպիական չեմպիոն մինչև 91 կգ քաշային կարգում։