Ռուսաստանը չէր, որ ճանաչեց Ադրբեջանի իրավունքները Լեռնային Ղարաբաղի նկատմամբ, դա արեց Հայաստանի ղեկավարությունը. Զախարովա
Արտաքին Քաղաքական
Ռուսաստանը Հայաստանի թշնամին չէ և երբեք չի դառնա, հայտարարել է ԱԳՆ մամուլի խոսնակ Մարիա Զախարովան Արևելյան տնտեսական ֆորումի շրջանակներում ՌԻԱ Նովոստիին տված հարցազրույցում։
«Ռուսաստանը չէր, որ ճանաչեց Ադրբեջանի իրավունքները Լեռնային Ղարաբաղի նկատմամբ, դա արեց Հայաստանի ղեկավարությունը։ Դա իրենց՝ Հայաստանի ժողովրդի որոշելիքն է, թե ինչպես վերաբերվի դրան։ Բայց կարիք չկա Երևանում կայացված որոշումների մեղքն ու պատասխանատվությունը Ռուսաստանի վրա գցել»,-հայտարարել է Զախարովան։
Նա նաև հավելել է, որ Մոսկվայի կոշտ արձագանքը Ռուսաստանի վերաբերյալ Երևանի կոշտ հայտարարություններին «պատճառված է հասկացությունների փոխարինմամբ»։
«Մենք ուշադրություն ենք դարձրել ոչ այնքան անձնական բնույթի տոնայնությանն ու վիրավորական բաներին, կոպտությանը, մենք դրա վրա ուշադրություն չենք դարձրել, այլ այն, որ դրանք հիմնված են կեղծիքի, անճշտության վրա։ Հենց դա է առաջացրել մեր արձագանքը, դրա համար էլ դեսպանը հրավիրվել է ԱԳՆ»,- ասել է Զախարովան։
ՈՒՂԻՂ ԵԹԵՐ
Ամենադիտված 
Ջուր չի լինի երկար ժամանակ․ հասցեներ
