ԱԱԾ-ն ստուգում է Հայաստանում «վագներականների» մասին հրապարակումները․ Փաշինյան
Վարչապետ Նիկոլ Փաշինյանը Հայաստանի ու Ռուսաստանի հարաբերությունների համատեքստում կողմնորոշվում է ՌԴ նախագահ Վլադիմիր Պուտինի, այլ ոչ թե ՌԴ ԱԳՆ մամուլի խոսնակի հայտարարություններով:
«Ես պարտավոր չեմ ու շատ ուշադիր չեմ էլ հետևում: Ես ուշադիր հետևում եմ ՌԴ նախագահի հայտարարություներին, ով ասաց, որ Հայաստանի հետ հարաբերություններում խնդիրներ չկան ու ինձ հետ հարաբերություններում էլ խնդիրներ չկան»,- ԱԺ-ում այս մասին հայտարարեց Նիկոլ Փաշինյանը:
Նա նշեց, որ ԱԱԾ-ն ստուգում է Հայաստանում «վագներականների» մասին հրապարակումները:
«Հայաստանի իրավապահ մարմինները պարտավոր են արձագանքել մամուլում հայտնված հրապարակումներին, ինչքան տեղյակ եմ` նման հրապարակում եղել է տելեգրամյան ալիքներով, ԱԱԾ-ն ստուգում է հրապարակված տեղեկությունը»,- ասաց Փաշինյանը:
Հարցին, թե մտավախություն ունի՞ արդյոք, որ Ռուսաստանը Հայաստանում կարող է հեղափոխություն անել, վարչապետն արձագանքեց` Հայաստանում հեղափոխություն կարող է անել միայն ՀՀ ժողովուրդն ու հայ ժողովուրդն այդ հեղափոխությունն արել է:
ՈՒՂԻՂ ԵԹԵՐ
Ամենադիտված 
Հարսը թունավորել է ամուսնուն և նրա ծնողներին հարսանիքից երկու օր անց
