Էրդողանը Մասկին հարցրել է, թե որտեղ է նրա կինը
Այլ
Tesla-ի և SpaceX-ի հիմնադիր, ինչպես նաև X-ի (Twitter) սեփականատեր Իլոն Մասկը որդու՝ X Æ A-12-ի հետ հանդիպել է Թուրքիայի նախագահ Ռեջեփ Թայիփ Էրդողանի հետ: Այս մասին հայտնում է RBC-ն՝ վկայակոչելով Մասկի ու Էրդողանի զրույցի տեսագրությունը։
Հանդիպումը տեղի է ունեցել Նյու Յորքում ՄԱԿ-ի կենտրոնակայանի հարեւանությամբ գտնվող Թուրքական տանը։ Թուրքիայի նախագահը ոչ պաշտոնական զրույցի ժամանակ ամերիկացի միլիարդատիրոջը հարցրել է, թե որտեղ է նրա կինը։ Ի պատասխան Մասկն ասել է, որ իրենք բաժանվել են, և ինքն է դաստիարակում որդուն:
«Օ, նա Սան Ֆրանցիսկոյում է: Մենք բաժանվել ենք, ուստի ես եմ հոգ տանում որդուս մասին»,- ասել է Մասկը։
Միլիարդատերը երեխային իր գրկում է պահել հանդիպման ողջ ընթացքում։
Երեխայի մայրը երգչուհի Գրայմսն է։ Ֆորմալ առումով Գրայմսն ու Մասկը ամուսիններ չեն եղել։ Նրանց հարաբերությունները տեւել են 2018 թվականից մինչեւ 2021 թվականը։


















































Ամենադիտված
Ծովագյուղի Վահրամն ու ՔՊ-ն՝ ընդդեմ Սևանի քաղաքապետի. ընտրությունների գլխավոր ինտրիգը