ՀԱՄԱՍ-ը հայտարարել է, որ չի լքելու Գազայի հատվածը
Աշխարհ
Պաղեստինյան ՀԱՄԱՍ շարժումը չի լքի Գազայի հատվածը և կարծում է, որ տեղի բնակիչները նույնը կանեն, ՌԻԱ Նովոստիին ասել է շարժման խոսնակ Հուսամ Բադրանը։
Ինչպես հայտնել ենք, ավելի վաղ Իսրայելի պաշտպանության բանակը Գազայի հատվածի բնակիչներին կոչ էր արել լքել իրենց տները պաղեստինաիսրայելական հակամարտության սրման պայմաններում:
«Սա մեր ողջ ժողովրդի հստակ դիրքորոշումն է, սա մեր հողն է, և մենք կպահենք այն և չենք հեռանա», - ասել է ՀԱՄԱՍ-ի ներկայացուցիչ Բադրանը:
Հոկտեմբերի 7-ի առավոտյան Իսրայելը Գազայի հատվածից ենթարկվել է աննախադեպ հրթիռային հարձակման։ Բացի այդ, ՀԱՄԱՍ-ի գրոհայինները զանգվածային հրթիռային հարձակումներից հետո ներթափանցել են հարավային Իսրայելի սահմանային շրջաններ։
Պաղեստինյան ՀԱՄԱՍ շարժման ռազմական թեւը հայտարարել է Իսրայելի դեմ «Ալ-Աքսա ջրհեղեղ» գործողության մասին։ Իսրայելի պաշտպանության բանակը հայտարարել է Գազայի հատվածում ՀԱՄԱՍ-ի դեմ «Երկաթե սրեր» գործողության մեկնարկի մասին։ Իսրայելի վարչապետ Բենիամին Նեթանյահուն ժողովրդին ուղղված ուղերձում ասել է, որ երկիրը պատերազմական վիճակում է և հրամայել է պահեստազորների համատարած մոբիլիզացիա։ Իսրայելական զինվորականները մաքրում են բնակեցված տարածքները։
Ամենադիտված 
Մնաս բարյավ. Րաֆֆի Հովհաննիսյան
