Էրդողանը մտադիր է Իսրայելի և Պաղեստինի միջև հակամարտությունը քննարկել Պուտինի հետ

Թուրքիայի նախագահ Ռեջեփ Թայիփ Էրդողանը հայտարարել է, որ ծրագրում է իր ռուս գործընկեր Վլադիմիր Պուտինի հետ քննարկել պաղեստինա-իսրայելական հակամարտության գոտում իրավիճակը։ Այս մասին գրում է ՏԱՍՍ-ը։

«Ես ավելի վաղ հեռախոսով խոսել եմ Պաղեստինի, Իսրայելի, Եգիպտոսի, Լիբանանի, Կատարի և Մալայզիայի ղեկավարների հետ։ Այսօր ես բանակցություններ կվարեմ պարոն Պուտինի հետ։ Կլինի նաև զրույց [ՄԱԿ-ի գլխավոր քարտուղար Անտոնիո] Գուտերեշի հետ»,- ասել է Թուրքիայի նախագահը Ավստրիայի կանցլեր Կարլ Նեհամերի հետ Անկարայում կայացած մամուլի ասուլիսի ժամանակ։