Իսրայելի պաշտպանության բանակն անցնում է «ամբողջական հարձակման»

Իսրայելական բանակը ամբողջական հարձակում է սկսել Գազայի հատվածի վրա։ Այս մասին հայտարարել է երկրի պաշտպանության նախարար Յոավ Գալանտը։

«Իսրայելը ամբողջական հարձակման է անցնում, Գազայի հատվածը երբեք չի վերադառնա նրան, ինչ եղել է», - ասել է Գալանտը, որին մեջբերում է Times of Israel-ը: Նա հավելել է, որ իսրայելցի զինվորականները վերականգնել են վերահսկողությունը տարածքների վրա և անցնում են լիարժեք հարձակման։

Գալանտը նշել է, որ Իսրայելի բանակը կոչնչացնի ՀԱՄԱՍ-ի բոլոր անդամներին։