ՀԱՄԱՍ-ի նախկին ղեկավարը կոչ է արել ցույցեր կազմակերպել, միանալ Իսրայելի դեմ պատերազմին
Աշխարհ
ՀԱՄԱՍ-ի նախկին ղեկավար Խալեդ Մեշալը կոչ է արել բողոքի ցույցեր կազմակերպել ողջ մահմեդական աշխարհում և հարևան երկրների ժողովուրդներին՝ ի աջակցություն պաղեստինցիների՝ միանալու Իսրայելի դեմ պայքարին, գրում է Reuters-ը:
«Մենք պետք է գնանք դեպի արաբական և իսլամական աշխարհի հրապարակներ և փողոցներ ուրբաթ օրը», - ասել է Մեշալը, ով ներկայումս ղեկավարում է ՀԱՄԱՍ-ի սփյուռքի գրասենյակը։
Մեշալը, որը գտնվում է Քաթարում, ասել է, որ Հորդանանի, Սիրիայի, Լիբանանի և Եգիպտոսի կառավարություններն ու ժողովուրդները ավելի մեծ պարտականություն ունեն աջակցելու պաղեստինցիներին:
«Հորդանանի ցեղեր, Հորդանանի որդիներ, Հորդանանի եղբայրներ և քույրեր, սա ճշմարտության պահ է, և սահմանները մոտ են ձեզ, դուք բոլորդ գիտեք ձեր պատասխանատվությունը»,- ասել է Մեշալը։
Հորդանանն ու Լիբանանը պաղեստինցի փախստականների ամենամեծ ճամբարներն են համարվում։
Գազայի առողջապահության նախարարությունը հայտնել է, որ ափամերձ անկլավում առնվազն 950 մարդ է զոհվել և 5000-ը՝ վիրավորվել։
Ամենադիտված 
Մնաս բարյավ. Րաֆֆի Հովհաննիսյան
