75-ամյա մայրը հոգնել է իր 40-ամյա որդիների հետ միասին ապրելուց և դատարանի միջոցով վտարել է նրանց

75-ամյա իտալուհին հոգնել է իր 40-ամյա որդիների հետ միասին ապրելուց և դատարանի միջոցով վտարել է նրանց։ Այս մասին հայտնում է Primapavia-ն։

Պավիայից ամուսնալուծված տարեց կինը երկար տարիներ ապրել է իր երկու որդիների հետ։ Չնայած այն հանգամանքին, որ տղամարդկանցից մեկն արդեն 40 տարեկան է, իսկ մյուսը՝ 42, նրանք հրաժարվել են լքել իրենց ծնողների տունը, նույնիսկ այն ժամանակ, երբ մայրն սկսել է բացահայտ կերպով խնդրել նրանց դա անել։ Ընդ որում, երկու իտալացիներն էլ ունեն կայուն աշխատանք, ինչը նրանց թույլ է տալիս իրենց համար բնակարաններ վարձակալել։

Կինը դժգոհել է, որ իր երեխաները ոչ միայն հրաժարվում են տեղափոխվել, այլ նաև չեն վճարում կոմունալ ծառայությունների և սննդի համար, ինչպես նաև չեն անում տնային գործերը՝ ամեն ինչում հույսը դնելով մոր վրա։ Այլ ելք չգտնելով՝ նա դիմել է դատարան՝ նրանց վտարելու նպատակով։ Դատավորը պարտավորեցրել է տղամարդկանց հեռանալ կնոջը պատկանող տնից մինչև 2023 թվականի դեկտեմբերի 18-ը։

Այս թեմայով Հռոմեական արձակուրդը կարող է մղձավանջ դառնալ առաջիկա մի քանի օրվա ընթացքում Իտալիա այցելողների համար Վարանը ժամանել է Իտալիա․ կբանակցի Ա սերիայի ակումբի հետ Քննարկվել են ՀՀ-Իտալիա ռազմական համագործակցության հարցեր 2024 թվականին մենք վերապրում ենք 1915 թվականի ողբերգությունը․ Իտալիայի փոխվարչապետ (տեսանյութ) ԵՄ–ի և Հայաստանի հարաբերություններն առանձնահատուկ դինամիկա են ապրում․ Իտալիայի ԱԳ փոխնախարար