Համբուրգի օդանավակայանում դստերը առևանգած թուրք տղամարդը նախկինում ևս նման քայլի է դիմել․ ոստիկանություն
Աշխարհ
Թուրք տղամարդը, ով իր չորսամյա դստերը ժամերով պատանդ է պահել մեքենայում՝ Համբուրգի օդանավակայանի թռիչքուղու վրա, նախկինում ևս առևանգել է նրան, հայտնել է քաղաքային ոստիկանությունը։
«Դեռևս 2022 թվականի մարտին կասկածյալը գտնվում էր Ստադում՝ անչափահասի առևանգման կասկածանքով: Այնուհետև նա դստեր հետ առանց թույլտվության գնացել է Թուրքիա, հայտնում է «ՌԻԱ Նովոստի»-ն։
Իրավապահ մարմինների աշխատակիցները հաստատել են, որ Համբուրգի օդանավակայանում տեղի ունեցածի միակ պատճառը երեխաների խնամակալության շուրջ ընտանեկան վեճերն են։ Շաբաթ երեկոյան զինված տղամարդը, ով պատանդ էր վերցրել իր չորսամյա դստերը, իր մեքենան դուրս է բերել Համբուրգի օդանավակայանի թռիչքուղու վրա, կայանել ինքնաթիռի մոտ և պահանջել թռիչք կատարել դեպի Թուրքիա։
Երկար բանակցություններից հետո նա կիրակի օրը հանձնվել է ոստիկանությանը, դուստրը չի տուժել։
Ըստ գերմանական Bild-ի՝ տղամարդը, ենթադրաբար, 35 տարեկան է և ազգությամբ թուրք է, որը բնակվում է Գերմանիայի Ներքին Սաքսոնիա դաշնային նահանգում:
ՈՒՂԻՂ ԵԹԵՐ
Ամենադիտված 
Ո՞րն է սիրված արտիստ Արտաշես Ալեքսանյանի մահվան պատճառը. հայտնի են մանրամասներ
