Հայ առաքելական եկեղեցու Երուսաղեմի պատրիարքարանի մոտ հոկտեմբերի 28-ին միջադեպ է տեղի ունեցել․ News.am
Հասարակություն
Հայ առաքելական եկեղեցու Երուսաղեմի պատրիարքարանի մոտ հոկտեմբերի 28-ին միջադեպ է տեղի ունեցել:
Կադրերում երեւում է, որ մի տղամարդ, ով երեխայի հետ քայլում էր փողոցով, վիճաբանության մեջ է մտել անցորդներից մեկի հետ։ Վերջինս քայլել է եւս երեք հոգու ուղեկցությամբ։
Վիճաբանությունը վերաճել է ծեծկռտուքի: Տեսանյութի վերջում երեւում է, թե ինչպես է տղամարդը ձեռքերով սրբում աչքերը։ Հավանաբար խմբի անդամներից մեկը թքել է երեխայի հետ քայլող տղամարդու վրա։
Հայ առաքելական եկեղեցու Երուսաղեմի պատրիարքարանի մամուլի քարտուղար Աղան Գոգչյանը NEWS.am -ի թղթակցի հետ զրույցում ասաց, որ դեպքը տեղի է ունեցել հոկտեմբերի 28-ին Երուսաղեմի պատրիարքարանում։
Գոգչյանն ասաց, որ դեպքը ֆիքսել են Երուսաղեմի պատրիարքարանի տեսախցիկները, երեխայի հետ եղած տղամարդն ազգությամբ ասորի է։
Ամենադիտված 
Հունվարից երևանցին վճարելու է ամենաթանկ սակագինը տրանսպորտային երթևեկության համար
