Dior-ը պաղեստինցի Բելլա Հադիդին փոխարինել է իսրայելցի մոդելով

Փարիզյան Dior ապրանքանիշն իր վերջին գովազդային արշավում պաղեստինցի մոդել 27-ամյա Բելլա Հադիդին փոխարինել է իսրայելցի մոդել Մեյ Թագերով։ Այս մասին գրում է Albawaba-ն։

Հադիդը եղել է Dior-ի կոսմետիկայի դեմքը և ապրանքանիշի՝ պաղեստինյան արմատներով առաջին դեսպանը՝ սկսած 2016 թվականից մինչև Գազայի հատվածում տեղի ունեցող իրադարձությունների վերաբերյալ իր կարծիքը հրապարակայնորեն հայտնելը։

Նրա՝ Պաղեստինին աջակցող հայտարարությունները հանգեցրել են նրան, որ Dior ընկերությունը Հադիդին փոխարինել է իսրայելական ծագմամբ մոդելով. այսպես Dior-ն ընդգծել է, որ աջակցում է Իսրայելին այս պատերազմում, և այդ դիրքորոշումը համապատասխանում է Ֆրանսիայի քաղաքականությանը։