Ոստիկանության երկու ծառայող երեք անձի 150 000-ական եւ 100 000 դրամ կաշառքի դիմաց ընդունել են ՆԳՆ ոստիկանությունում աշխատանքի
Իրավունք
ՆԳՆ ոստիկանության ներքին անվտանգության վարչությունում իրականացված ծառայողական քննությամբ պարզվել է, որ ՆԳՆ ոստիկանության ստորաբաժանումներից մեկի երկու ծառայող, օգտագործելով ծառայողական լիազորությունները, երեք անձի առաջարկել են 150 000-ական դրամ, իսկ չորրորդին՝ 100 000 դրամ կաշառքի դիմաց ընդունել ՆԳՆ ոստիկանությունում ծառայության, ինչին նրանք համաձայնել են:
Այնուհետև կազմակերպել են վերոհիշյալ անձանց հրամանագրման գործընթացը: Երեք անձինք հրամանագրվել են ոստիկանությունում ծառայության, իսկ չորրորդի հրամանագրումը առողջական խնդիրների պատճառով չի եղել, և որպես կաշառք վերցված 100 000 դրամը վերադարձվել է:
Ոստիկանության վերոհիշյալ երկու ծառայողի ծառայողական լիազորությունները ժամանակավորապես դադարեցվել են, իսկ ծառայողական քննությամբ ձեռք բերված փաստաթղթերն ուղարկվել են նախաքննական մարմին: ՀՀ հակակոռուպցիոն կոմիտեում նախաձեռնվել է քրեական վարույթ:
Ծառայողական քննությունը և քրեական վարույթն ընթացքի մեջ են:
Ներքին գործերի նախարարությունը հետևողական է կոռուպցիոն դրսևորումների բացահայտման հարցում և օրինական դաշտում գործելուց ցանկացած շեղում արժանանալու է խիստ արձագանքի:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
