Գիտնականները հերքել են օրական տասը հազար քայլի օգուտների մասին առասպելը

Օրական ընդամենը 2600 քայլը կարող է զգալիորեն նվազեցնել սրտի հիվանդության ռիսկը, չնայած տարածված կարծիքին, որ օրական 10000 քայլն անհրաժեշտ է առողջության համար: Հետազոտությունը հրապարակվել է European Journal of Preventive Cardiology (EJPC) ամսագրում:

Գիտնականները վերլուծել են նախորդ 12 ուսումնասիրությունների արդյունքները, որոնք գնահատել են կատարված քայլերի քանակի և սրտանոթային ռիսկի միջև կապը: Ընդհանուր առմամբ, դրանց մասնակցել է ավելի քան 111 հազար մարդ։

Վերլուծությունը ցույց է տվել, որ օրական ընդամենը 2517 քայլ քայլելը կապված է բոլոր պատճառներով մահվան ռիսկի 8%-ով կրճատման հետ, իսկ 2735 քայլը՝ բոլոր պատճառներով մահվան ռիսկի 11%-ով կրճատման հետ: Արդյունքները կարող են հուսադրող լինել այն մարդկանց համար, ովքեր իրենց վախեցնում են օրական 10,000 քայլ քայլելու դժվարություններից: 

Ամենամեծ օգուտը ստացվել է օրական 8763 քայլից. դրանք 60%-ով նվազեցրել են սիրտ-անոթային հիվանդությունների պատճառով մահացության ռիսկը։