Մահն ինքն է ընտրում մարդուն, մարդը ընտրում է անմահությունը․ Բագրատ Սրբազան

Հատված՝ Տավուշի թեմի առաջնորդ Բագրատ Սրբազանի քարոզից․

«Ես միշտ ասում եմ՝ մենք չենք գնում դեպի մահ։ Մենք գնում ենք անմահություն։ 

Մահը բոլոր պարագաներում նույն տեսքն ունի, նույն կերպն ունի, նույն ձևն ունի, անկախ նրանից՝ հիվանդության ժամանակ է, թե այլ զանազան պատճառներով, բոլորս էլ ենթակա ենք այս կամ այն ճանապարհով մահվան։

Բայց դժբախտաբար, բոլորս չէ, որ կկարողանանք անմահության փառքի պսակը վաստակել։ Եվ մենք դրա համար ենք ապրում։ Ի վերջո, անմահության համար ենք ապրում։

Մահը չեն ընտրելու, բայց անմահությունը ընտրում են։ Մահը ինքն է ընտրում մարդուն, մարդը ընտրում է անմահությունը։ Սա շատ կարևոր է»։