Չինաստանում տղամարդը 20 տարի անց որդուն խոստովանել է, որ ինքը միլիոնատեր է
Այլ
Չինաստանում հայրը 20 տարի շարունակ աղքատ է ձևացել և որդուն չի ասել, որ իրականում միլիոնատեր է, գրում է World of Buzz-ը։
Ինչպես պատմել է ինքը՝ միլիոնատիրոջ որդին, հայրը միշտ տխուր է եղել իր պարտքերի պատճառով և ամեն անգամ ընդգծել, թե որքան վատ է ապրում ընտանիքը։ Միայն չինացին համալսարանն ավարտելուց հետո է իմացել, որ իր ծնողն առանձնատուն ունի։
Տղան, ստանալով իր դիպլոմը, ցանկացել է աշխատանք գտնել, որպեսզի օգնի իր ընտանիքին մարել ենթադրյալ պարտքերը, երբ հայրը նրան հրավիրել է զրույցի և ասել, որ ինքը սեփական ընկերություն ունի։
«Հայրս առաջարկեց ինձ շարունակել իր աշխատանքը»,- հիշել է երիտասարդը։
Պարզվել է նաև, որ ընտանիքն ունի ութ շքեղ ավտոմեքենա:
Այնուամենայնիվ, չինացին հավելել է, որ չնայած այն հանգամանքին, որ աշխատում է իր հոր ընկերությունում, իր աշխատավարձն «այնքան էլ բարձր չէ», և աշխատանքի է գնում իր մոտոցիկլետով, այլ ոչ թե լիմուզինով:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
