«Ակվամեն»–ի աստղի կինն ամուսնալուծության հայց է ներկայացրել 18 տարվա ամուսնությունից հետո

Ամերիկացի դերասանուհի Լիզա Բոնեթը որոշել է ամուսնալուծվել «Ակվամեն»-ի աստղ Ջեյսոն Մոմոայից 18 տարվա ամուսնությունից հետո։ Այս մասին հայտնում է The Hollywood Reporter-ը։

56-ամյա դերասանուհին ամուսնալուծության հայց է ներկայացրել Լոս Անջելեսի շրջանային դատարան։ Որպես ամուսնալուծության պատճառ նշվում է «տարաձայնությունները»։ Փաստաթղթերում ասվում է նաև, որ ամուսիններից ոչ մեկը ֆինանսական աջակցություն չի պահանջի. նրանք արդեն պայմանավորվել են, թե ինչպես կբաժանեն իրենց ակտիվները: Նաև ընդգծվում է, որ նախկին ամուսինները պետք է ստանան իրենց երկու երեխաների նկատմամբ հավասար համատեղ խնամակալություն։

Զույգի բաժանվելու որոշման մասին հայտնի դարձավ 2022 թվականի հունվարին։

Արվեստագետները ծանոթացել են 2005 թվականին։ 2007 թվականին ծնվեց նրանց դուստրը, իսկ մեկ տարի անց ծնվեց նրանց որդին։

Չնայած երկարատև հարաբերություններին՝ զույգն ամուսնացել է 2017 թվականին։

Նախքան Ջեյսոն Մոմոայի հետ ամուսնանալը Լիզա Բոնեթն ամուսնացած է եղել երաժիշտ Լենի Կրավիցի հետ, ումից լույս աշխարհ է բերել իր առաջնեկին՝ Զոի Քրավիցին։