Մենք ոչ մի քայլ հետ չենք գնալու դիրքերից. Ալիև

Ադրբեջանի նախագահ Իլհամ Ալիևը հայտարարել է, որ Բաքուն մտադիր չէ «հայելային» դուրս բերել զորքերը Հայաստանի հետ  սահմանից։

«Մի քանի գործընկերներ ինձ խնդրեցին, որ կողմերը հայելային զորքերը դուրս բերեն, ես հարցրի՝ որտեղի՞ց դուրս բերեն, ասացին` որտեղից որ եկել են, ասում եմ՝ Բաքվից ենք եկել, Բաքու վերադառնա՞նք։ Եթե այս տարածքները սահման լինեին, և Հայաստանը դա ճանաչեր՝ որպես սահման, դա կնշեր, բայց ինքը դա սահման չէր համարում, կարծում էր, որ իր սահմանը Ակնայում է»,-հայտարարել է Ալիևը։

«Իմ հարցի պատասխանը ոչ ոք չտվեց, հետևաբար մենք ոչ մի տեղ չենք գնալու, ոչ մի քայլ չենք շարժվելու ոչ 2021 թվականի մայիսի, ոչ էլ 2022 թվականի սեպտեմբերի դիրքերից»,-ասել է Ալիևը։