Դուբայը ճանաչվել է աշխարհի ամենապոպուլյար զբոսաշրջային ուղղությունը

Արաբական Միացյալ Էմիրությունների ամենամեծ քաղաքը երրորդ տարին անընդմեջ ճանաչվել է զբոսաշրջության ոլորտում առաջատար՝ ըստ Tripadvisor Travelers' Choice Awards-ի:

2024 թվականի մրցանակակիրները որոշվել են միլիոնավոր ճանապարհորդների արձագանքների և կարծիքների վրա՝ հաշվի առնելով այնպիսի չափորոշիչներ, ինչպիսիք են հյուրանոցների, ռեստորանների և ժամանցի օբյեկտների կարծիքների որակն ու քանակը 2022 թվականի հոկտեմբերի 1-ից մինչև 2023 թվականի սեպտեմբերի 30-ն ընկած ժամանակահատվածի համար։ Դուբայը 3-րդ անգամ անընդմեջ արժանացել է «Լավագույններից լավագույն ուղղություն» տիտղոսին։

«Դուբայում ամեն ինչ հատկապես գրավիչէ թվում՝ ծայրահեղ ժամանակակից Բուրջ Խալիֆայից մինչև շուկաներ և առևտրի կենտրոններ՝ իրենց ոսկի ու զարդեր վաճառողներով: Սա այն վայրն է, որտեղ կարող եք իրականություն դարձնել ձեր բոլոր երազանքները՝ լինի դա դահուկներով սահելը, փե անապատային ավազաններում սերֆինգը», - ասում է Tripadvisor-ը:

Երկրորդ տեղում է Ինդոնեզիայի Բալի կղզին, որին հաջորդում են Լոնդոնը (Մեծ Բրիտանիա), Հանոյը (Վիետնամ) և Հռոմը (Իտալիա): Տասնյակում են հայտնվել նաև Փարիզը (Ֆրանսիա), Կանկունը (Մեքսիկա), Մարաքեշը (Մարոկկո), Կրետե կղզին և Հոյ Անը (Վիետնամ):