Կապիկը գողացել է տղամարդու iPhone-ը և վերադարձրել այն գազավորված ըմպելիք ստանալուց հետո

Հնդկաստանում կապիկը գողացել է տղամարդու iPhone-ը, բարձրացել շենքի տանիք և հեռախոսը վերադարձրել միայն գազավորված ըմպելիք ստանալուց հետո, գրում է NDTV-ն։

Ականատեսների վկայությամբ՝ հեռախոսը կորցրած տղամարդու մոտ մարդկանց ամբոխ է հավաքվել, որոնք ցանկացել են օգնել նրան։ Սկզբում նրանք փորձել են վախեցնել կապիկին, իսկ հետո սկսել են հրապուրել նրան դեպի իրենց, սակայն այդ փորձերն անհաջող են եղել։

Միայն այն բանից հետո, երբ ամբոխի մեջ ինչ-որ մեկը կապիկին մի շիշ գազավորված ըմպելիք է առաջարկել, կենդանին հետաքրքրվել է փոխանակմամբ: Կապիկը, ստանալով ըմպելիքը, հեռախոսը ցած է նետել։

Միջադեպը զվարճացրել է սոցցանցերի օգտատերերին։