Ներկայիս աշխարհակարգն անկայուն է. Իրանի հոգևոր առաջնորդ

Իրանի գերագույն հոգևոր առաջնորդ Ալի Խամենեին իսլամական երկրների ներկայացուցիչների հետ հանդիպման ժամանակ ասել է, որ Գազայում տեղի ունեցածը ողբերգություն է ողջ մարդկության համար, հայտնում է IRNA-ն։

Խամենեին նշել է, որ ներկայիս աշխարհակարգն անկայուն է։

Իրանի առաջնորդն ասել է, որ Գազայում մարդկության դեմ հանցագործություններ իրականացնելու հարցում արևմտյան երկրների համագործակցությունը սիոնիստական ռեժիմի հետ արևմտյան քաղաքակրթության ամոթն է և հավելել, որ կառավարությունների պարտականությունն է դադարեցնել քաղաքական, ռազմական և սպառողական օգնությունը սիոնիստական ռեժիմին։