Ադրբեջանը «Akıncı» նոր հարվածային ԱԹՍ-ներ է ձեռք բերել

Ադրբեջանը «Akıncı» նոր հարվածային անօդաչու թռչող սարքեր է գնել։

Ինչպես հաղորդում է ԱՊԱ-ն, փետրվարի 9-ին Ադրբեջանի նախագահ Իլհամ Ալիևը որդու՝ Հեյդար Ալիևի հետ այցելել է ռազմածովային ուժերի ռազմական օբյեկտներ և հետևել շահագործման հանձնված «Akıncı» անօդաչու թռչող սարքի թռիչքին։

Նշենք, որ թուրքական «Baykar» ընկերության տեխնիկական տնօրեն Սելչուկ Բայրաքթարը X-ի իր միկրոբլոգում էջում կիսվել է Ադրբեջանում թուրքական «Akıncı» ԱԹՍ-ների համար նոր անգարի բացման մասին հրապարակմամբ:

Ադրբեջանական ԶԼՄ–ների հաղորդմամբ՝ նորակառույց անգարը նախատեսված է տարբեր տեսակի անօդաչու թռչող սարքերի, ինչպես նաև վերջերս ընդունված Akıncı հարվածային ԱԹՍ-ների և այլ ավիացիոն-տեխնիկական միջոցների տեղակայման համար: