Հայ պատանի շախմատիստներն արծաթե մեդալ են նվաճել Ռուսաստանի միջազգային մրցաշարում

Ռուսաստանի Նովոկուզնեցկ քաղաքում անցկացված «Кубок Интеллект Академии» արագ շախմատի թիմային մրցաշարում ՀՀ-ն ներկայացնող «Աբովյան քաղաքի շախմատի դպրոց» ՀՈԱԿ-ի թիմը դարձել է արծաթե մեդալակիր:

Թիմը ներկայացնում էին Գարիկ Շառաջյանը, Արման Ասլանյանը, Գարիկ Թորոսյանը, Գնել Աբգարյանը և Սվետլանա Ցուգունյանը: Թիմի ավագն էր Նաիրա Մովսիսյանը:

Մեր պատանիները ունեցան 7 հաղթանակ, 1 ոչ-ոքի և 1 պարտություն:

Մրցաշարի հաղթող դարձավ Ղազախստանի թիմը, իսկ լավագույն եռյակը եզրափակեց Ղրղզստանի թիմը: