Վրացի գործարարին ազատազրկում է սպառնում կեղծ խինկալիների համար

Վրացի գործարարը մեղադրվում է երկրի շրջաններից մեկում կեղծ խինկալի արտադրելու մեջ։ Այս մասին սոցցանցերում հայտնել է Վրաստանի ֆինանսների նախարարությունը։

Վրաստանի շրջաններից մեկում հայտնաբերվել է արտադրամաս, որտեղ մսի հավելումով կիսաֆաբրիկատներ են արտադրվել։ Սակայն ստուգումը պարզել է, որ արտադրության ընթացքում խախտվել են արտադրանքի ստանդարտներն ու բաղադրատոմսերը. դատելով իրավապահ մարմինների տրամադրած կադրերից՝ խոսքը խինկալիի մասին է։

«Քննչական ծառայությունը պարզաբանում է, որ կիսաֆաբրիկատները պատրաստվել են սոյայի հավելումներով՝ համը պահպանելու համար։ Փորձագետները մանրածախ ցանցերից և արտադրամասերից առգրավել են կեղծ խինկալիները»,- հայտնել են Վրաստանի ֆինանսների նախարարությունից։

Գործարարին սպառնում է մեկից երեք տարվա ազատազրկում։