Բժիշկը հայտնել է, թե օրական որքան ճարպ կարելի է ուտել

Օրական կարելի է ուտել ոչ ավելի, քան 30-50 գրամ խոզի ճարպ: Այս մասին Lenta.ru-ին հայտնել է սննդաբան Քրիստինա Պլոտնիկովան։

Ինչպես բացատրել է բժիշկը, խոզի ճարպը պարունակում է A, D, E և K վիտամիններ։ Դրանք ոչ միայն պահպանում են առողջ մաշկը, եղունգները և մազերը, այլև կարևոր դեր են խաղում օրգանիզմի բնականոն գործունեության մեջ։ Խոզի ճարպը պարունակում է նաև ճարպաթթուներ, որոնք անհրաժեշտ են սրտանոթային առողջության պահպանման համար։ Բացի այդ, խոզի ճարպը պարունակում է երկաթ, ցինկ, սելեն, կալցիում, մագնեզիում, մանգան, ֆոսֆոր․ դրանք անհրաժեշտ են իմունիտետը պահպանելու և հեմոգլոբինի ձևավորման համար: Բժիշկը բացատրել է, որ կարևոր է չչարաշահել խոզի ճարպը. օրական կարելի է ուտել ոչ ավելի, քան 30-50 գրամ:

«Սակայն աղեստամոքսային տրակտի, լյարդի, շաքարախտի և գիրության հետ կապված խնդիրներ ունեցող մարդիկ պետք է խուսափեն խոզի ճարպից»,- ընդգծել է Պլոտնիկովան։