Բազմազավակ բլոգերը դատապարտվել է երեխաների նկատմամբ դաժան վերաբերմունքի համար (լուսանկար)

ԱՄՆ-ում Յուտա նահանգի բլոգեր Ռուբի Ֆրանկեն, ով վարում էր երեխաների դաստիարակության մասին հայտնի YouTube–յան ալիքը, դատապարտվել է չորս ժամկետի՝ մեկից մինչև 15 տարի ազատազրկման՝ սեփական երեխաների նկատմամբ դաժան վերաբերմունքի համար, գրում է BBC-ն։

42-ամյա Ռուբի Ֆրանկեն դատարանում լաց է եղել և ներողություն խնդրել, երբ իմացել է իր դատավճիռը: Նա նախկինում էլ է մեղավոր ճանաչվել իր երեխաների նկատմամբ բռնություն գործադրելու, այդ թվում՝ նրանց քաղցած պահելու մեջ:

Նրա նախկին բիզնես գործընկեր Ջոդի Հիլդեբրանդտը ստացել է նույն պատիժը։ 

Երկու կանայք՝ Ռուբին և Ջոդին, ձերբակալվել են 2023 թվականի օգոստոսին այն բանից հետո, երբ Ֆրանկեի քաղցած 12-ամյա որդին դուրս է եկել 54–ամյա Հիլդեբրանդտի տան պատուհանով և վազել հարևանների մոտ՝ սնունդ և ջուր խնդրելու: 

Ռուբի Ֆրանկեն ուներ ավելի քան երկու միլիոն բաժանորդ YouTube-ի իր «8 Passengers» ալիքում, որը նա բացել է 2015 թվականին: 

Նա ունի վեց երեխա՝ 10-ից 20 տարեկան: Ֆրանկեի ձերբակալությունից հետո նրա 20-ամյա դուստր Շեիրին Instagram-ի իր էջում գրել է «Վերջապես»։

«Այսօր հիանալի օր է: Ես և իմ ընտանիքն այնքան ուրախ ենք, որ արդարությունը հաղթեց», - հավելել է աղջիկը: