Մի պահ պատկերացնենք, որ հրաշքով բոլոր հարկ վճարողները միավորվում են՝ մասնակցելու համար մի անսովոր ֆլեշմոբի․ Դավիթ Անանյան

«Նրանք ինքնակազմակերպվում և պայմանավորվում են, ի նշան բողոքի, ՊԵԿ հարկային մարմին չներկայացնել 2024 թվականի մայիս ամսվա եկամտային հարկի և ավելացված արժեքի հարկի հաշվարկները և չկատարել հարկային վճարումներ։

 

Ըստ էության, դրանով նրանք իրենց բողոքը, դժգոհությունն ու անհամաձայնությունը կհայտնեին իրենց վճարած հարկերի հաշվին ոստիկանության սև և կարմիր բերետավորների կողմից աշխատավարձ, հավելավճար և պարգևավճարներ ստանալու և հենց իրենց՝ «փառաբանված հարկ վճարողների» նկատմամբ բիրտ ուժ կիրառելու դեմ»։