Ահա և ամբողջ ժողովրդավարությունը. Զախարովան համեմատել է ԱՄՆ արձագանքը Հայաստանում և Վրաստանում ցույցերին

ՌԴ ԱԳՆ պաշտոնական ներկայացուցիչ Մարիա Զախարովան համեմատել է ԱՄՆ արձագանքը Հայաստանում և Վրաստանում ցույցերին։

«Մենք ցուցարարներին հորդորում ենք հավաքների ազատության իրենց իրավունքն իրացնել պատասխանատու կերպով՝ զերծ մնալով բռնություն դրսևորելուց։ Քաղաքական տարաձայնությունների լուծումն ապահովվում է ժողովրդավարական գործընթացների միջոցով։ Մենք նաև խրախուսում ենք իրավապահներին հասարակական կարգի պահպանումն իրականացնել քաղաքացիների խոսքի և հանրահավաքների ազատության իրավունքի ապահովմամբ և քննություն իրականացնել բոլոր այն միջադեպերի առթիվ, որոնց ընթացքում տեղ են գտել ընթացակարգերի հնարավոր խախտումներ, այդ թվում՝ ցույցերը լուսաբանող լրագրողների հետ կապված»,-ասված է ՀՀ-ում ԱՄՆ դեսպանատն հայտարարության մեջ։

«Մենք կանգնած ենք Վրաստանի ժողովրդի կողքին՝ աջակցելով նրանց ձայնը լսելի լինելու նրանց իրավունքին։ Մենք դատապարտում ենք բռնությունը խաղաղ ցուցարարների, այդ թվում՝ ցույցերը լուսաբանող լրագրողների նկատմամբ։ Խաղաղ հավաքների և խոսքի ազատությունը ճնշելու համար ուժի կիրառումն անընդունելի է, և մենք կոչ ենք անում իշխանություններին թույլ տալ խաղաղ ցուցարարներին շարունակել օգտվել իրենց խոսքի ազատության իրավունքից»,-ասվում է Վրաստանում ԱՄՆ դեսպանատն հայտարարության մեջ:

«Ահա և ամբողջ ժողովրդավարությունը։ Մի դեպքում Վաշինգտոնն իր դեսպանատան միջոցով հայտարարում է, որ հանրահավաքները պետք է անցկացվեն ամենայն պատասխանատվությամբ, և չի դատապարտում իշխանություններին դրանք ճնշելու համար, իսկ մյուս դեպքում ակտիվորեն աջակցում է արևմտյան օտարերկրյա գործակալների կողմից կազմակերպած անկարգություններին: Սա հստակ պատկերն է «կանոնների վրա հիմնված աշխարհակարգի», որտեղ Միացյալ Նահանգները, ձեռքի մեկ շարժումով, տվյալ պահի հանգամանքներից ելնելով՝ փոխում է ցանկացած կանոն՝ հարմարեցնելու իրեն», - Տելեգրամի իր ալիքում գրել է Զախարովան։