Զելենսկին պատմել է` ինչ է իրեն խոստացել Սի Ծինփինը
Հասարակություն
Չինաստանի նախագահ Սի Ծինփինը Ուկրաինայի նախագահ Վոլոդիմիր Զելենսկիին խոստացել է, որ Չինաստանը զենք չի մատակարարի Ռուսաստանին։ Այս մասին Ուկրաինայի պետության ղեկավարը հայտարարել է ԱՄՆ նախագահ Ջո Բայդենի հետ մամուլի ասուլիսում, հաղորդում են միջազգային ԶԼՄ-ները։
Ըստ Զելենսկու՝ Չինաստանի առաջնորդը իրեն այսպիսի խոստում է տվել 2023 թվականի ապրիլին՝ իրենց հեռախոսազրույցի ժամանակ։
«Հետո ասաց, որ զենք չեմ տա Ռուսաստանին։ Եկեք միասին հասկանանք։ Եթե նա պարկեշտ մարդ է, դա չի անի, քանի որ նա ինձ խոսք է տվել»,- ասել է Ուկրաինայի ղեկավարը։
Ավելի վաղ The Washington Post-ի հեղինակ Դեյվիդ Իգնատիուսը, հղում անելով աղբյուրներին, գրել էր, որ Չինաստանը ծրագրել է զենք մատակարարել Ռուսաստանին Ուկրաինայի հակամարտության բռնկումից հետո, սակայն փոխել է իր դիրքորոշումը Բայդենի կոչից հետո։
Չինաստանի պաշտպանության նախարարությունը հայտարարել է, որ երկիրը զենք չի մատակարարում ուկրաինական հակամարտության կողմերին, ինչպես նաև վերահսկում է երկակի նշանակության ապրանքների արտահանումը «օրենքների և կանոնակարգերի համաձայն»։
Գերատեսչությունում ընդգծել են, որ չինական կողմը մշտապես պահպանել է օբյեկտիվ և արդար դիրքորոշում Ուկրաինայի ճգնաժամի վերաբերյալ։
Ամենադիտված 
Մնաս բարյավ. Րաֆֆի Հովհաննիսյան
