Որ հիվանդությունների մասին կարող է նախազգուշացնել առատ քրտնարտադրությունը

Առատ քրտնարտադրությունը կարող է առաջանալ ռոզացեայի, քրոնիկ մաշկային հիվանդության, վահանաձև գեղձի դիսֆունկցիայի և 80 տարեկանից բարձր մարդկանց մոտ քաղցկեղի դեպքում: Այս մասին Daily Mail-ին ասել է բրիտանացի թերապեւտ Էլլի Քենոնը։

Բժշկի խոսքով՝ կանանց մոտ դաշտանադադարի ժամանակ կարող է լինել քրտնարտադրություն՝ կապված կանացի հորմոնի՝ էստրոգենի մակարդակի նվազման հետ։ Այնուամենայնիվ, մյուսների համար քրտնարտադրությունը կարող է անհանգստանալու տեղիք տալ։

Առատ քրտնարտադրության հնարավոր պատճառներից մեկը ռոզացեան է: Սա մաշկային քրոնիկ հիվանդություն է, որը բնութագրվում է մազանոթների մշտական ​​լայնացումով՝ կարմրավուն ցանի տեսքով։ Ռոզացեայի դեպքում դեմքի մաշկը կարող է սկսել «այրվել», ինչը հանգեցնում է նրան, որ մարմինը սառչում է՝ արտադրելով քրտինք:

Բարձր քրտնարտադրությունը կարող է նաև վահանաձև գեղձի հիվանդության նշան լինել, որն օգնում է կարգավորել օրգանիզմի նյութափոխանակությունը։ Օրգանների դիսֆունկցիայի այլ նշաններ կարող են ներառել հոգնածությունը, քաշի ավելացումը, դեպրեսիան և մկանային ցավը:

Որոշ դեպքերում քրտնարտադրությունը կարող է ազդանշան լինել քաղցկեղի մասին: Արյան քաղցկեղի մի քանի տեսակներ, այս ախտանիշի հետ կապված, ավելի տարածված են 80 տարեկանից բարձր մարդկանց մոտ:

Կան նաև մարդիկ, ովքեր քրտնում են որոշակի մթերքներ, ինչպես նաև ալկոհոլ ու կոֆեին օգտագործելուց հետո: Հասկանալու համար, թե որ մթերքն է առաջացնում քրտնարտադրություն, խորհուրդ է տրվում սննդի օրագիր պահել։