ԱԱԾ այսօրվա գործողություններից հետո ուսուցչին միանգամից դատավճիռ է հասնում. Անահիտ Ոսկանյան
Հասարակություն
Մեթոդաբան, խմբագիր Անահիտ Ոսկանյանը գրում է.
Ջոն Կիրակոսյանի անվան դպրոցի ուսուցչի արարքների համար կարող են էլ ոչ նախաքննություն անել, ոչ դատավարություն։ ԱԱԾ այսօրվա գործողություններից հետո ուսուցչին միանգամից դատավճիռ է հասնում։ Որովհետև եթե ԱԱԾ-ն ուսուցչին «գործի վրա» չէր բռնել, ապա հիմնովին խախտված է անմեղության կանխավարկածը։ Ավելին՝ եթե հանկարծ պարզվի, որ ուսուցիչը չի կատարել իրեն մեղսագրվող արարքները,... արդեն ուշ է։
Դե գնա բոլորին հատ-հատ ապացուցի...։
ժաննա Անդեասյանը, ամենայն հավանականությամբ, այս դպրոցի «դուշերի» վիճակն էլ չի ստուգել։ ԿԳ ՍՄ-ն էլ մի թեթև եվրոպական մտահոգություն է արտահայտել, հորդորել, որ ԱԱԾ-ն ու նման կառույցները մյուս անգամ նկատի ունենան երեխաների հոգեվիճակը։ Ու որ իրենք, իհարկե, պատրաստ են համագործակցության։ Այսքան բան։
Ինչ համագործակցության մասին է խոսքը, եթե ԱԱԾ-ն բանի տեղ չի դրել ոչ միայն խառը քաղաքական ընտանիքներից դպրոց եկած երեխաների իրավունքները, այլև իրեն ղեկավարող ու ուղղորդող իշխանության ևս մի կառույցի՝ ԿԳ ՍՄ-ին։
Չեմ ասի, որ վերջին աստիճանի անբարո արարք առաջ չի եղել, բայց երեխաների նկատմամբ ԿԳ ՍՄ այլաբարո վերաբերմունքը և դաստիարակության, և ուսուցման ոլորտներում անպայման պիտի բերեր տմարդների, մեղմ ասած, ոչ զսպվածությանը։
Վարակի պես։
Ցավով պիտի կանխատեսեմ, որ հանրութունը ԱԱԾ-ի նման վերաբերմունքի ու ժրաջանության պատճառները գտնելու համար պիտի փնտրի ու գտնի, կամ կասկածի շատ երեխաների՝ տալով նրանց անունները, տարածելով բամբասանքներ, հնարավոր վարկածներ։
Այնպես որ՝ երեխաների այսօրվա վախը դեռ սկիզբն է այս դպրոցին ու դպրոցից սպասվող դեպքերի։
Ամենադիտված 
Մնաս բարյավ. Րաֆֆի Հովհաննիսյան
